الضحية رقم 9 دكتور عزت

حد يقول للاستاذ عزت بقا

بس هو ييجى الاول طيب

يا جماعه
رجاء يعني
قبل اختيار العضو الضحيه
لازم يكون عضو متواجد معانا
وعضو نشيط
مش عضو لسه جديد
ومحدش لسه يعرفه
لازم تراعو النقطه دي كويس يا جماعه
اقصد ان يكون عضو متابع ومتواجد معانا باستمرار
مش عضو لسه جديد يا جماعه
لازم تراعو النقطه دي كويس

طيب ياجماعة نهدأ شوية

اولا ...........ان اختارت الدكتور عزت ........بعد ما كلمته ووافق انه يكون شخصية الاسبوع فى المنتدى ...........وده بناء على نصيحة من المهندس مدحت باستشاره اى عضو قبل اختياره


ثانيا ............الى متى سنظل نتعرف على بعض .............واغلب اعضاء المنتدى هم اشخاص غريبين عنا غير مندمجيين معنا ............

لازم ياجماعة نساعدهم على التواصل معانا ............ونقرب منهم احنا ...........
لان بيهم المنتدى بيكبر .............
احنا فقط 15 عضو نشيط والباقى متفرج ..............



ياريت ننتظر الاسبوع ده .............وانا هحاول تانى مع دكتور عزت .............وان شاء الله يكون متواجد معانا .............

وصدقونى هنكسب شخصية جميلة وكبيرة ومحترمة معانا فى المنتدى .............

ياريت يا دكتور مدحت
احنا نتشرف باي عضو جديد يكون عضو نشيط معانا ونتعرف عليه
بس في ناس اعضاء قدام معانا ومنهم انا
لسه محدش اختارهم ضحيه
انا اقصد يعني لما نخلص الاعضاء القدام الاول عشان هما الاحق
نبدأ نختار الاعضاء الجدد
هو ده قصدي يا دكتور مدحت
ورغم كل ده احنا نتشرف بالدكتور عزت التونسي اللي مشرفنا ومنورنا هنا في المنتدي

السلام عليكم اخوانى واحبائى اعضاء المنتدى الغالى** واشكر د/مدحت على دعوته الكريمة لشخصى للتواجد بينكم وارجو الا اكون ضيفا ثقيلا عليكم ** وبالفعل يشرفنى جدا ان اكون بينكم **اولا انا اسمى عزت احمد حسن اخصائى نفسى اعمل فى مجال التربية والتعليم وحاصل درجة الدكتوراة فى علم النفس التربوى واعمل فى مجال البحوث التربوية **سنى 48 سنة متزوج اسكن فى المعادى بالقاهرة ** انا زملكاوى حتى النخاع ومعنى هذا انى من عشاق الدراويش وقد بدأت حب الاسماعيلى من اواخر ايام فاكهة الكرة المصرية على ابو جريشة وسيد بازوكا وحسن مختار واسماعيل حفنى وجيل حازم وحمادة الرومى وعماد سليمان وحمدى نوح فعلا اجيال رائعة اثرت فى كل عشاق الكرة لمصرية** واكيد انتم متأكدين من حب كل زملكاوى للدراويش**يكفينى ان الا سماعيلى هو الفريق الوحيد الذى لاأحزن لو فاز على الزمالك وبكون سعيد لو الدراويش فازت بأى بطولة ولقد زرت الاسمعيلية اكثر من اربع مرات وانطباعى جميل عنها وعن شعبها الطيب الجميل ** وحقيقى اشكر الدكتور مدحت على اتاحة سيادته لى ان اتعرف بكم واتشرف بوجودى بينكم

اهلا بحضرتك يا دكتور منورنا
عرفت المنتدى ازاى وليه اشتركت فيه ؟
عندك عضويه فى منتديات اسمعلاويه تانيه ؟ وزملكاويه ؟
نبذه عن الاسره؟
نبذه عن طفولتك ؟
قدوتك فى الحياه؟
مثل مؤمن بيه فى حياتك؟
ماهى اكبر ميزة فى شخصيتك....من وجهة نظرك انت ؟
ماهو اكبر عيب فى شخصيتك.....من وجهة نظرك انت ؟؟
هل انت عصبي؟؟
اية اكتر حاجة حسيستك انك سورى (فاشل) واية اكتر حاجه حسستك انك ناجح؟
اية اسعد يوم فى حياتك؟
اية اكتر حاجة بتضايقك وانتى ماشيه فى الشارع؟
لو طلبت خدمة عامة هتطلب اية؟
اختر منصبا واتخذ قرار؟
ايه رأيك فى مصر دلوقتي ؟
من هو الشخص الدي يستحق أن تضحي من أجله..؟
لمن تقول هذه
الكلمات
ربنا مايحرمنى منك
ربنا يوفقك ويحققلك اللى بتتمناه
اكمل معاك حياتى نفسى
خلى بالك من نفسك
خد الحياه بصورة جد شوية ( او بطل لعب )
ماتزعلش منى فى يوم من الايام
اوعى تتخلى عنى
قصرت في حقك
تخيلتك
استوقفتني كلمتك
كفايه كد بجد
نفسى فى يوم تتغيروا
حلم عمرى

راجعه تانى

ازيك يا دكتور عزت ، منور المنتدى

- نحب نعرف رأيك في انديه الهيئات والشركات اللي تقريبا بقت ثلاث ارباع الدوري ، هل الوضع ده مفيد للكره المصريه وما تأثيره علي الانديه الجماهيريه .

- لماذا يعتمد نادي الزمالك علي تمويل رجال الاعمال مثل ممدوح عباس رغم ان له دخل كبير من اشتراكات الاعضاء والاعلانات وايرادات البث وغيرها .

- لماذا يحظى حسام حسن بمكانه غير مسبوقه في قلوب الزملكاويه متفوقا علي رموز اداريه وتدريبيه مثل حماده امام وفاروق جعفر وحلمي طولان وغيرهم ...؟

- مين المعلق المصري الاقرب الي قلبك حاليا ؟

- اكثر لاعب تحبه في نادي الزمالك و واكثر لاعب خارجه ؟

- افضل مباراه شاهدتها لنادي الزمالك وافضل مباراه للاسماعيلي؟

بالراحة شوية ياجماعة على الدكتور ............

اه انتوا كنتوا جعانيين اسئلة ............وما صدقتوا تلاقوا حد تسألوه



فى الاول ............احب اشكر الدكتور عزت على استجابته وتشريفه لينا

وعلى فكرة اختيار الدكتور جاء نتيجة من كلامى مع الاخت سماسم والمهندس مدحت ...........



اما بالنسبة لموضوع وجود اعضاء قدامى لم يتم تقديمهم بعد ...........فاحنا ان شاء الله موجديين هنا .........وكل اسبوع عضو جديد...........واكيد هيكون ليهم فرصة لتقديمهم هنا معانا

دكتور مدحت كتب:

بالراحة شوية ياجماعة على الدكتور ............

اه انتوا كنتوا جعانيين اسئلة ............وما صدقتوا تلاقوا حد تسألوه



فى الاول ............احب اشكر الدكتور عزت على استجابته وتشريفه لينا

وعلى فكرة اختيار الدكتور جاء نتيجة من كلامى مع الاخت سماسم والمهندس مدحت ...........



اما بالنسبة لموضوع وجود اعضاء قدامى لم يتم تقديمهم بعد ...........فاحنا ان شاء الله موجديين هنا .........وكل اسبوع عضو جديد...........واكيد هيكون ليهم فرصة لتقديمهم هنا معانا

وجود اعضاء جديده افضل بكتير من وجود الاعضاء القدامى
بالذات ان القدامى عارفين بعض ونفسنا نتعرف على اى حد جديد
كل الشكر ليك انك قدرت تستضيف حد جديد وشكرا للدكتور عزت على استجابته لينا اننا نتعرف عليه

[b]اولا اشكركم جميعا على ترحيبكم الجميل بشخصى البسيط**ثانيا يسعدنى الاجابة عن اسئلة حضراتكم**ونبدأ بطفولتى فقد كانت عادية زى اى مصرى بسيط الحال **والا سرة عادية من اب وام اميين ولكن بفضل الله ثم بفضلهم تعلمنا **ومن ناحية انتمائى للزمالك فقد كان معاكسا لانتماء الوالد رحمه الله ثم اصبحت زملكاويا بحق وانا فى اوائل السبعينات عندما بدأت افهم فى الكرة وطبعا اول نجومهم فى السبعينات كان حسن شحاته وعلى خليل وفاروق جعفر وسبب انضمامى للمنتدى الذى اشرف بوجودى معكم فيه كان بمحض الصدفة وانا جالس على النت اتابع وكانت صدفة رائعة **وقدوتى فى الحياة كأى مسلم سيدنا محمد اتنى الالتزام بسنته المطهرة*واحب شيئ الى هو البساطة فمن خلالها يدخل الانسان قلوب الاخرين والاخلاص**امامن ناحية عيوبى فهى مثل كل البشر واكثر عيب عندى هو العصبية وسرعة الغضب اذا ما شعرت بالظلم او المهانة**اما افضل الناس عندى هو الشخص الذى يحب الاخرين وينفعهم**وعن رأيى الحالى فى مجلس ادراة الزمالك هو انه مجلس فاشل وجعجاع ولايرعى مصالح جماهيره وحب المعلقين لقلبى المرحوم لطيف وحفيده خالد وكذلك الكاديكى والشوالى وبصراحة اى حد بيفهم لازم تعجبه كرة الزمالك والدراويش **شكرا لكم واتمنى لكم كل الخير

طيور الجنه كتب:

دكتور مدحت كتب:

بالراحة شوية ياجماعة على الدكتور ............

اه انتوا كنتوا جعانيين اسئلة ............وما صدقتوا تلاقوا حد تسألوه



فى الاول ............احب اشكر الدكتور عزت على استجابته وتشريفه لينا

وعلى فكرة اختيار الدكتور جاء نتيجة من كلامى مع الاخت سماسم والمهندس مدحت ...........



اما بالنسبة لموضوع وجود اعضاء قدامى لم يتم تقديمهم بعد ...........فاحنا ان شاء الله موجديين هنا .........وكل اسبوع عضو جديد...........واكيد هيكون ليهم فرصة لتقديمهم هنا معانا

وجود اعضاء جديده افضل بكتير من وجود الاعضاء القدامى
بالذات ان القدامى عارفين بعض ونفسنا نتعرف على اى حد جديد
كل الشكر ليك انك قدرت تستضيف حد جديد وشكرا للدكتور عزت على استجابته لينا اننا نتعرف عليه

طيب خمسة جنية واروح اجيب ليكم ضحية جديدة تسألوا فيها

طيب
المهم
نتمنى من الدكتور عزت ............الوجود والماركة معانا باستمرار .............

[b]يشرفنى يا د/مدحت تواجدى وانتمائى للمنتدى**كل الشكر لحضرتك

كل سنه وانت طيب يا دكتور